Attributed to St. Ambrose (340-397), this hymn is sung at Lauds (Morning Prayer) on Mondays. The chant below is performed by the monks of the Abbaye Sainte-Madeleine du Barroux.
Splendor paternae gloriae,
de luce lucem proferens,
lux lucis et fons luminis,
diem dies illuminans.
Verusque sol, illabere
micans nitore perpeti,
iubarque Sancti Spiritus
infunde nostris sensibus.
Votis vocemus et Patrem,
Patrem perennis gloriae,
Patrem potentis gratiae,1
culpam releget lubricam.
Informet actus strenuos,
dentem retundat invidi,
casus secundet asperos,
donet gerendi gratiam.
Mentem gubernet et regat
casto, fideli corpore;
fides calore ferveat,
fraudis venena nesciat.
Christusque nobis sit cibus,
potusque noster sit fides;
laeti bibamus sobriam
ebrietatem Spiritus.
Laetus dies hic transeat;
pudor sit ut diluculum,
fides velut meridies,
crepusculum mens nesciat.
Aurora cursus provehit:
Aurora totus prodeat,
in Patre totus Filius
et totus in Verbo Pater.
Amen.
Enjoy the finest sacred and classical music on Classical Catholic Radio, which is sponsored by the Classical Liberal Arts Academy.
